ថ្ងៃចុងសប្តាហ៏ដ៏មានន័យ នៃការជួបជុំ ២៦ កញ្ញា ២០២០

Class Activities

ធម្មតាចុងសប្តាហ៏ខ្ញុំអត់មានគ្រោងអ្វីដែលជាក់លាក់ត្រូវធ្វើទេ គឺមានន័យថាទំនេរ ប៉ុន្តែចាប់ពី៣សប្តាហ៏មុនគឺត្រូវចូលរៀនវគ្តខ្លីមួយ។ នាព្រឹកព្រលឹមម៉ោង ៥ និង ៥៥ នាទី ទូរស័ព្ទក៏រោទិ៏ គ្រាន់តែដឹងខ្លួននៅពេលភ្លាម ក៏លឺសម្លេងលោកពុកនិងអ្នកម៉ែចេញពីខាងក្រោមផ្ទះ ស្រែកដាស់ខ្ញុំឱ្យក្រោកឡើង   ៉គីមហុងងើបកូន ប្រយ័ត្ឋទៅរៀនមិនទាន់  ៉។ ពួកគាត់ដូចជាយល់ច្បាស់និងដឹងថា ការរៀនសូត្ររបស់ខ្ញុំគឺសំខាន់ និងមិនត្រូវខកខានបានទេ ទើបគាត់ខ្លាចខ្ញុំយឺតម៉ោងសាលាបែបនេះ។ ខ្ញុំបានរៀបចំខោអាវចុះទៅក្រោមដើម្បីងូតទឹក តែគឺត្រូវទៅញ៉ាំអាហារពេលព្រឹកមុនសិនជាមួយសមាជិកគ្រួសារទាំងអស់គ្នា។ មុខម្ហូបអត់មានអ្វីច្រើនទេ គឺគ្រាន់តែបបរសរ ជាមួយឆាខ្ញីសាច់មាន់ សាច់មាន់លីង និងយ៉ាហេប៉ុណ្ណោះ តែគ្រប់គ្នាញញឹមរកគ្នា ជាពិសេសវត្គមានក្មួយប្រុសខ្ញុំទាំង២នាក់ រឹតតែសប្បាយថែមទៀត ពោរពេញដោយភាពកក់ក្តៅ។ ការប្រើពេលវេលាតែបន្តិចបន្តួចជាមួយគ្រួសារ គឺថ្នាំសុភមង្គលដែលស្វែងរកមិនបានចំពោះខ្លួន និងសមាជិកដទៃទៀត ហើយខ្ញុំក៏ចាត់ទុកហេតុការណ៏មួយនេះ ជាកាដូរដ៏ពិសេសមួយនៃការចាប់ផ្តើមថ្ងៃថ្មីរបស់ខ្ញុំ អារម្មណ៏ល្អៗក៏ចាប់ផ្តើមមានឡើងពេញមួយថ្ងៃ។ បន្ទាប់ពីរៀបចំរួចរាល់ហើយក៏ធ្វើដំណើរទៅសាលាតែម្តង។ 

morning breakfastwith family

សាលារៀនដែលខ្ញុំទៅរៀន គឺ NIPC វគ្គ Food Processing។ ធម្មតាទេ ការទៅសាលាគឺតែងតែជួបជុំមិត្តរួមថ្នាក់ហ្នឹងអែង។ សកម្មភាពក្នុងថ្នាក់ពោរពេញទៅដោយចែករំលែកនិងការអនុវត្តផ្ទាល់ពីអ្នកគ្រូ។ គ្រឿងផ្សំបន្ថែមថ្នាក់គឺគ្មានអ្វីក្រៅពី បង្អាប់គ្នាទៅវិញទៅមក និយាយពីនេះពីនេះ សំខាន់ហូបត្រាវជួបគ្នាគឺសប្បាយហែកមាត់ចោល ហាសហា។ ក្រៅពីនេះក៏មានរឿងក្រៅឆាក និងគម្រោងជាថ្មីច្រើនដែលសាច់ការ ត្រូវជជែកពិភាក្សាក្នុងថ្នាក់ផងដែរ។ មិនបាច់ទៅកន្លែងណាស្អាតៗ ទំនើបៗ អ៊ូអ៊រមានមនុស្សច្រើនពេកទេ គ្រាន់តែបង្កើតបរិយាកាសក្នុងថ្នាក់ជាអ្នកគ្រូ និងមិត្តរួមថ្នាក់ គឺគ្រប់គ្រាន់ បំពេញអត្ថន័យនៃជីវិតបានមួយថ្ងៃបាត់ហើយ ឱ្យតែចេះគោរពនិងផ្តល់តម្លៃអ្វីគ្រប់យ៉ាងដែលចូលមកក្នុងជីវិតយើងគឺជាការស្រេច។ ម៉ោងក្នុងថ្នាក់ក៏បានបញ្ចប់ បន្ទាប់ពីលាអ្នកគ្រូ និងមិត្តរួមថ្នាក់ហើយ ខ្ញុំក៏បានដល់ផ្ទះប្រកបដោយសុវត្ថិភាព ដោយគ្មានអារម្មណ៏ថាអស់កម្លាំងនឿយណាយអ្វីប៉ុន្មានដែរ ហើយនៅតែមានអារម្មណ៏ល្អដដែល។

26-Sep-20 Quote

                                             

កំណត់ត្រារបស់ខ្ញុំ ថ្ងៃ ២១ ខែកញ្ញា ឆ្នាំ២០២០

 កំណត់ត្រារបស់គីមហុង ថ្ងៃ ២១ ខែកញ្ញា ឆ្នាំ២០២០

scource from: https://pin.it/2z6XTBp

១. សម័យបច្ចេកវិទ្យា ជួយសម្រួលកិច្ចការបានយ៉ាងច្រើន៖  ម្តាយខ្ញុំបានចំណាយពេលយ៉ាងតិចណាស់ក៏ ២ ទៅ៣ ម៉ោង នៅធនាគារ ដើម្បីបង់ប្រាក់និងការប្រាស់ឥណទានជារៀងរាល់ខែ។ ចំពោះគាត់ វាគឺជារឿងពិបាកណាស់ ព្រោះថាម្តាយខ្ញុំគាត់ត្រូវអង្គុយចាំលេខ អតិថិជនមកក៏ច្រើន សេវាកម្មក៏ត្រូវចំណាយពេលវេលាច្រើននាទីផងដែរ។ ម្យ៉ាងវិញទៀត គាត់ក៏មានមុខរបរត្រូវរកស៊ីជាការងារចាំបាច់របស់គាត់ដែរ ជួនកាលអត់មានម៉ូតូជិះទៅ បើនិយាយពីសុវត្ថិភាពគឺរឹតតែសំខាន់និងគួរអោយព្រួយបារម្ភសម្រាប់ខ្ញុំអំពីគាត់ ពេលដឹងថាគាត់ធ្វើដំណើរទៅម្នាក់ឯងម្តងៗ។ តើអ្វីទៅជាដំណោះស្រាយ ចំពោះបញ្ហាប្រឈមមួយនេះ? ខ្ញុំជាសមាជិកគ្រួសារម្នាក់ដែលមានចំណេះដឹង និងយល់បានអំពីបច្ចេកវិទ្យាតិចតួចដែរ។ ខ្ញុំបានដឹងថា ធនាគារមានសេវាកម្មមួយដែលអាចអោយអតិថិជនរបស់ខ្លួនធ្វើការទូរទាត់ក្នុងទម្រង់សព្វបែបយ៉ាង ដោយគ្រាន់តែប្រើទូរស័ព្ឌប៉ុណ្ណោះ (banking mobile app)។ អូរ! ស្តាប់មើលទៅចាប់អារម្មណ៏ណាស់ ចឹងម្តាយខ្ញុំមិនចាំបាច់ហត់ពេលទៅធនាគារពេលម្តងៗទៀតទេ។ ខ្ញុំបានសម្រេចចិត្តនឹងទៅជាមួយអ្នកម្តាយខ្ញុំឯធនាគារនៅថ្ងៃនេះតែម្តង ដើម្បីសាកសួរពត័មានបន្ថែមអំពីសេវាកម្មនិងមុខងារមួយនោះ។ ពេលទៅដល់ ខ្ញុំចាប់ផ្តើមសួរណែនាំអំពីចម្ងល់ទាំងឡាយ បន្ទាប់មក បុគ្គលិកធនាគារប្រាប់ពន្យល់បកស្រាយថា អ្នកគ្រាន់មានកម្មវិធីធនាគាររបស់ពួកគេនៅក្នុងទូរស័ព្ឌដៃ រួចហើយធ្វើការផ្ទេរប្រាប់ទៅគណនីធនាគារសាម៉ីខ្លួនដែលបានតាំងខ្លួនខ្ចីឥណទានពីធនាគារទៅជាការស្រេច។ ហូរ! ខ្ញុំគិតក្នុងចិត្ត ខ្ញុំចំណាយពេលមិនដល់១នាទីផង អ្វីគ្រប់យ៉ាងនឹងរួចរាល់ ដោយគ្រាន់តែប្រើកម្មវិធីទូរស័ព្ឌ តាយរយះការបំពាក់នូវបច្ចេកវិទ្យាទាន់សម័យបែបឌីជីថលនាយុគមួយនេះ៕ អ្វីដែលខ្ញុំបានកត់សម្គាល់គឺថា មនុស្សបានបង្កើតបច្ចេកវិទ្យាមកដើម្បីជួយកាត់បន្ថយឧបសគ្គពិបាកៗបានយ៉ាងច្រើន ជាពិសេសងាយស្រួលប្រើ រហ័ស ទាន់ចិត្ត និងសុវត្ថិភាពថែមទៀតផង ដូចនេះយើងម្នាក់ៗត្រូវដើរអោយទាន់ និងចាប់អោយបាននូវភាពជឿនលឿនបែបឌីធីថលមួយនេះ ព្រោះថាបើយើងមិនចេះប្រើប្រាស់វាទេ យើងដើរយឺតជាងគេឯងច្រើនជំហានណាស់ កាលដែលយឺតនេះមានន័យថាយើងជាអ្នកចាញ់(អត់ទាន់សម័យតាមបច្ចេកវិទ្យា ជាឧទាហរណ៏ខាងលើដែលខ្ញុំរៀបរាប់ស្រាប់ គ្រាន់តែបង់ប្រាក់សោះចាំបាត់ត្រូវចំណាយធនធាននិងកម្លាំងពេលវេលាច្រើនដែរ គឺត្រូវការតែការចេះប្រើកម្មវិធីទូរស័ព្ឌដែលធនាគារបង្កើតទៅជាការងាយស្រួលបាត់ទៅហើយ)។ 

My text of the day 

២. ពាក្យថាចាំ គឺជាមូលហេតុមិនបានសម្រេចកិច្ចការអ្វីមួយសោះឡើយ៖ មានគម្រោង ហើយមានឪកាសថែមទៀត ចឹងមិនបញ្ចេញសកម្មភាពតែម្តងទៅ។ ខ្ញុំធ្លាប់បាននិយាយប្រាប់ខ្លួនឯងនិងអ្នកដទៃថា ខ្ញុំនឹងទិញកុំព្យូទ័រមួយគ្រឿងដែលមានតម្លៃសមរម្យ យកមកដើម្បីធ្វើការសិក្សាស្រាវជ្រាវ លក់ទំនិញនៅលើអនឡាញ សរសេរអត្ថបទ និងធ្វើវីដេអូជាដើម។ ខ្ញុំបានទិញកុំព្យូទ័រម៉ាក koompi E13 ជាផលិតផលដែលកូនខ្មែរផលិតផលតាំងពីថ្ងៃទី៥ ខែនេះ រហូតមកទល់ឥឡូវ១៦ថ្ងៃ មិនបានប្រើការវាអីបន្តិចសោះ។ តែនឹកភ្លក់អីក៏ប្រាប់ខ្លួនឯងថា គីមហុងឯងត្រូវធ្វើអីម្យ៉ាងនៅថ្ងៃនេះជាមួយផលិតផលមួយនេះ គិតយូរៗទៅ ក៏សម្រេចយកមកប្រើប្រូម៉ូតផេកហ្វេសប៊ុក និងសរសេរអត្ថបទ។ គិតសព្វៗទៅ បើខ្ញុំប្រើវាតាំងពីយូរ មិនដឹងថាមានអតិថិជនប៉ន្មាននាក់ទេដែលចង់ទិញផលិតផលនៅលើអនឡាញរបស់ខ្លួន ហើយក៏នឹងមានអ្នកអានអត្ថបទរបស់ខ្ញុំមិនដឹងច្រើនប៉ុណ្ណាទេមើលទៅ នេះដោយសារតែពាក្យថា ចាំថ្ងៃនេះថ្ងៃនោះ មាននេះមាននោះ ទើបធ្វើកើត។ ខ្ញុំបានសម្រេចចិត្តហើយថា ខ្ញុំនឹងមិនខ្ជះខ្ជាយពេលវេលាទៀតទេ អ្វីដែលធ្វើបាន ខ្ញុំនឹងធ្វើវា ធ្វើបានប៉ុណ្ណាយកប៉ុណ្ណឹង សម្រាកបន្តិចរួចមកធ្វើទៀត ខ្ញុំលែងទុកពេលវេលាចោលទៀតហើយ ខាតបង់អស់ច្រើនណាស់។ 

អត្ថប្រយោជន៏ដ៏អស្ចារ្យទាំង ៧ យ៉ាងរបស់ប្រទាលកន្ទុយក្រពើ

 អត្ថប្រយោជន៏ដ៏អស្ចារ្យទាំង ៧ យ៉ាងរបស់ប្រទាលកន្ទុយក្រពើ

លក្ខណះទូទៅ

ប្រទាលកន្ទុយក្រពើ គឺត្រូវបានគេស្គាល់ថា ជារុក្ខជាតិសម្រាប់កាត់បន្ថយការរលាកពីកម្តៅថ្ងៃឬភ្លើង និងអាចជួយព្យាបាលជម្ងឺបានផងដែរ។ ប៉ុន្តែក្រៅពីការជួយកាត់បន្ថយការរលាកកម្តៅ តើមិត្តអ្នកមានដឹងអត់ ថាវាមានសារះសំខាន់ប៉ុណ្ណាទៀត? 

តាមប្រវត្តិសាស្ត្រដ៏យូរលង់របស់អេស៊ីបបុរាណបានប្រើ ទឹកដមប្រទាលសម្រាប់ជាឱសថក្នុងវិស័យសុខាភិបាល។ រុក្ខជាតិប្រទាលនេះមានប្រភពដើមមកពីតំបន់អាហ្វ្រិកខាងជើង, អឺរ៉ុបខាងត្បូង និងកោះកាណារី។ សព្វថ្ងៃនេះ ប្រទាលកន្ទុយក្រពើ គឺត្រូវបានគេដាំពាសពេញពិភពលោកក្នុងតំបន់មានធាតុអាកាសត្រូពិច។ វាមានប្រយោជន៏តាំងពីការកាត់បន្ថយការលាកកម្តៅ រហូតដល់ការព្យាបាលជម្ងឺមហារីកសុដន់ឯណោះ។ អ្នកវិទ្យាសាស្ត្របានស្វែងរកឃើញពីគុណសម្បត្តិយ៉ាងមហាសាល និងផលិតបានចេញជាផលិតផលសុខភាពជាច្រើនប្រភេទ។ 

១. ការធូរស្បើយផ្នែកចុងដណ្ហើម

ជំងឺច្រាលទឹកក្រពះ (GERD) គឺជាជំងឺរំលាយអាហារដែលជារឿយៗបណ្តាលអោយក្រហាយទ្រូង។ កាលនៅឆ្នាំ ២០១០ បានបង្ហាញថាការទទួលទានជែលប្រទាលពី ១ ទៅ ៣ អោននៅពេលបាយអាចកាត់បន្ថយភាពធ្ងន់ធ្ងររបស់GERD។ វាក៏អាចបន្ធូរបន្ថយបញ្ហាដែលទាក់ទងនឹងការរំលាយអាហារផងដែរ។ រុក្ខជាតិប្រភេទនេះមានកម្រិត ជាតិពុលតិចតួចបំផុត ធ្វើឱ្យវាក្លាយជាឱសថមានសុវត្ថិភាពនិងសមស្របសម្រាប់ការព្យាបាលអាការះក្រហាយទ្រូង។

២. ជួយរក្សាភាពស្រស់

ការសិក្សាកាលពីឆ្នាំ ២០១៤ ដែលចុះផ្សាយតាមអ៊ីនធើណេតតាមរយះសារព័ត៌មានព័នៃសាកលវិទ្យាល័យខេមប្រ៊ីដ បានសិក្សាទៅលើផ្លែប៉េងប៉ោះដែលមានលាបជែលប្រទាលលើសំបកប៉េងប៉ោះ។ របាយការណ៍បានបង្ហាញភស្តុតាងយ៉ាងជោគជ័យថា វិធីសាស្ត្រលាប(coating)នេះបានរារាំងការលូតលាស់នៃបាក់តេរីបង្កគ្រោះថ្នាក់ជាច្រើនប្រភេទនៅលើបន្លែ។ លទ្ធផលស្រដៀងគ្នានេះត្រូវបានរកឃើញនៅក្នុងការសិក្សាខុសគ្នាជាមួយផ្លែប៉ោម។ នេះមានន័យថាជែលអាឡូវអាចជួយឱ្យផ្លែឈើនិងបន្លែមានភាពស្រស់ ជាហេតុមិនចាំត្រូវការនូវសារជាតិគីមីគ្រោះថ្នាក់សម្រាប់ប្រើដើម្បីពន្យារអាយុជីវិតរបស់ផលិតផលផ្លែឈើ និងបន្លែនោះទេ។

៣.ជាជម្រើសមួយសម្រាប់លាងប្រអប់មាត់

ការសិក្សានៅក្នុងឆ្នាំ ២០១៤ ដែលបានបោះពុម្ភផ្សាយនៅក្នុងទិនានុប្បវត្តិវិទ្យាសាស្ត្រសុខាភិបាលអេត្យូពី(Ethiopian Journal of Health Sciences) អ្នកស្រាវជ្រាវបានរកឃើញថាសារធាតុចំរាញ់ពីផ្កាប្រទាលកន្ទុយក្រពើគឺជាជម្រើសមួយដែលមានសុវត្ថិភាពនិងមានប្រសិទ្ធភាពចំពោះការលាងមាត់ ព្រោះមានសារធាតុគីមីមួយប្រភេទមានមុខងារនិងតួនាទីលាងសម្អាតមាត់។ គ្រឿងផ្សំធម្មជាតិរបស់រុក្ខជាតិដែលរួមបញ្ចូលទាំងកម្រិតសំបូរវីតាមីនសេដែលអាចទប់ស្កាត់ស្នឹម។ វាក៏អាចផ្តល់ការធូរស្បើយដែរប្រសិនបើអ្នកមានហូរឈាមឬហើមអញ្ចាញធ្មេញ។

៤. បញ្ចុះជាតិស្ករនៅក្នុងឈាម

ការទទួលទានទឹកប្រទាលកន្ទុយក្រពើ ចំនួនពីរស្លាបព្រាក្នុងមួយថ្ងៃអាចបណ្តាលឱ្យកម្រិតជាតិស្ករក្នុងឈាមធ្លាក់ចុះចំពោះអ្នកដែលមានជំងឺទឹកនោមផ្អែមប្រភេទទី ២ បើតាមការសិក្សារបស់ Phytomedicine: International Journal of Phytotherapy and Phytopharmacy។ នេះអាចមានន័យថា ប្រទាលកន្ទុយក្រពើ នៅពេលអនាគតអាចត្រូវបានប្រើប្រាស់ក្នុងការព្យាបាលជំងឺទឹកនោមផ្អែម។ លទ្ធផលទាំងនេះត្រូវបានបញ្ជាក់ដោយប្រភពការសិក្សាមួយផ្សេងទៀតដែលបានចុះផ្សាយនៅក្នុង Phytotherapy Research ដែលបានប្រើសារធាតុចំរាញ់ចេញពីសាច់ប្រទាល។

ប៉ុន្តែអ្នកដែលមានជំងឺទឹកនោមផ្អែមដែលលេបថ្នាំបញ្ចុះជាតិគ្លុយកូស គួរតែប្រើការប្រុងប្រយ័ត្ននៅពេលទទួលទានប្រទាលកន្ទុយក្រពើ។ ទឹកប្រទាលនិងថ្នាំព្យាបាលជំងឺទឹកនោមផ្អែមអាចធ្វើឱ្យកម្រិតជាតិស្កររបស់អ្នកថយចុះដល់កំរិតគ្រោះថ្នាក់វិញ។

៥. ថ្នាំបញ្ចុះលាមកបែបធម្មជាតិ

ប្រទាលកន្ទុយក្រពើ ត្រូវបានគេចាត់ទុកថាជាថ្នាំបញ្ចុះលាមកបែបធម្មជាតិ។ ការសិក្សាមួយចំនួនតូចបានមើលទៅអត្ថប្រយោជន៍នៃទឹកដមប្រទាលដើម្បីជួយដល់ការរំលាយអាហារ។ លទ្ធផលទទួលបានទ្វេរដង។

ក្រុមអ្នកវិទ្យាសាស្ត្រនីហ្សេរីយ៉ាមួយក្រុមបានធ្វើការសិក្សាលើសត្វកណ្តុរហើយបានរកឃើញថាជែលដែលផលិតចេញពីប្រទាលកន្ទុយក្រពើ ធម្មតាអាចជួយបំបាត់ការទល់លាមកបាន។ ប៉ុន្តែការសិក្សាមួយផ្សេងទៀតដោយវិទ្យាស្ថានសុខភាពជាតិបានមើលទៅលើការទទួលទានទឹកចម្រាញ់ចេញពីស្លឹកប្រទាលទាំងមូល។ ការរកឃើញទាំងនោះបានបង្ហាញពីការលូតលាស់ដុំសាច់នៅក្នុងពោះវៀនធំនៃកណ្តុរ នៅក្នុងមន្ទីរពិសោធន៍។

នៅឆ្នាំ ២០០២ រដ្ឋបាលចំណីអាហារនិងឪសថ (FDA) អាមេរិកបានតម្រូវឱ្យផលិតផលថ្នាំបញ្ចុះលាមកជាទាំងអស់ត្រូវយកចេញពីទីផ្សារសហរដ្ឋអាមេរិកឬត្រូវធ្វើកំណែទម្រង់។

គ្លីនិកMayo សូមផ្តល់ជាយោបល់ថាប្រទាលកន្ទុយក្រពើអាចប្រើដើម្បីបំបាត់ការទល់លាមកបានប៉ុន្តែគួរឱ្យកត់សម្គាល់។ ពួកគេណែនាំថា ប្រើប្រាស់កម្រិតពី ០.០៤ ទៅ ០,១៧ ក្រាមគឺគ្រប់គ្រាន់សម្រាប់លាយធ្វើទឹកភេស្ជជះញ៉ាំ។

ប្រសិនបើអ្នកមានជំងឺ Crohn, colitis, ឬជំងឺឬសដូងបាតអ្នកមិនគួរទទួលទានទេ។ វាអាចបណ្តាលឱ្យរមួលក្រពើនិងរាគខ្លាំង។ អ្នកគួរតែបញ្ឈប់ការប្រើថ្នាំប្រទាល ប្រសិនបើអ្នកកំពុងប្រើថ្នាំផ្សេងទៀត។ វាអាចបន្ថយសមត្ថភាពរាងកាយរបស់អ្នកក្នុងការស្រូបយកថ្នាំ។

៦. ការថែរក្សាស្បែក

អ្នកអាចប្រើប្រទាលកន្ទុយក្រពើដើម្បីឱ្យស្បែករបស់អ្នកភ្លឺថ្លានិងមានសំណើម។ នេះប្រហែលជាដោយសារតែរុក្ខជាតិនេះលូតលាស់នៅក្នុងអាកាសធាតុស្ងួតនិងមិនស្ថិតស្ថេរ។ ដើម្បីរស់ពីស្ថានភាពលំបាកស្លឹករុក្ខជាតិផ្ទុកនូវជាតិទឹក។ ស្លឹកក្រាស់ទាំងនេះរួមផ្សំជាមួយសមាសធាតុរុក្ខជាតិពិសេសហៅថាកាបូអ៊ីដ្រាតស្មុគស្មាញធ្វើឱ្យមានសំណើមដល់ផ្ទៃមុខនិងមានប្រសិទ្ធភាពបំបាត់ការឈឺចាប់។

៧. សក្តានុពលក្នុងការប្រយុទ្ធប្រឆាំងនឹងជំងឺមហារីកសុដន់

ការសិក្សាថ្មីមួយដែលត្រូវបានចេញផ្សាយនៅក្នុង Evidence-Based Complementary and Alternative Medicineបានមើលទៅលើលក្ខណៈព្យាបាលរបស់អាល់ដូអ៊ីនទីនដែលជាសមាសធាតុនៅក្នុងស្លឹក។ អ្នកនិពន្ធបានបង្ហាញថាទឹកដមប្រទាលបង្ហាញពីសក្តានុពលក្នុងការបន្ថយល្បឿននៃការលូតលាស់មហារីកសុដន់។ ទោះយ៉ាងណាក៏ដោយត្រូវការការសិក្សាបន្ថែមទៀតដើម្បីជំរុញទ្រឹស្តីនេះបន្ថែមទៀត។

មើលវីដេអូ៖

ប្រភព៖ https://www.healthline.com/health/7-amazing-uses-aloe-vera#breast-cancer