អត្ថប្រយោជន៏របស់ស្រ្កាប់កាហ្វេ​ DIY

 

មានភស្តុតាងវិទ្យាសាស្រ្តជាច្រើន​បានបង្ហាញថា ជាតិកាហ្វេអ៊ីនអាចជួយកាត់បន្ថយការឡើងគ្រៀមៗនៃសាច់ ជាពិសេសតំបន់ក្រោមភ្លៅ។​

តាមការសិក្សាស្រាវជ្រាវនៅឆ្នាំ ២០១១ គេបានតេស្តគ្រីមដែលមានផ្ទុកសារធាតុកាហ្វេអ៊ីននិងសារធាតុដទៃទៀត ទៅលើអ្នកចូលរួម ៧៨ នាក់។ ជាលទ្ធផលបានឃើញថា បន្ទាប់ពីបានប្រើប្រាស់គ្រីម ១២ថ្ងៃក្រោយមក មានការលុបបាត់នូវស្នាមគ្រើមៗនៃស្បែកយ៉ាងគួរកត់សម្គាល់នៃអ្នកចូលរួម។ នៅឆ្នាំ២០១៥ ក៏មានការសិក្សាចំនួន ១៥ ករណី ទទួលបានលទ្ធផលដូចគ្នាផងដែរ។

មនុស្សម្នាជាច្រើនបាននិយាយថា កាហ្វេគឺនៅតែជាគ្រឿងផ្សំដ៏ពេញនិយមសម្រាប់ការធ្វើ ស្រ្កាប់ដងខ្លួន DIY ។ ភាគល្អិតតូចៗនៃកាហ្វេដែលបានកិន វាជួយធ្វើឱ្យស្បែកទន់ ហើយមានប្រសិទ្ធភាពក្នុងជួយជម្រះនូវកោសិកាស្បែកដែលងាប់ចេញពីស្រទាប់លើរបស់ស្បែកដងខ្លួន។ ហើយថា តើនរណាដែលមិនអាចទប់អារម្មណ៏បានជាមួយនឹងឈ្ងុយរបស់គ្រាប់កាហ្វេ??

គ្រឿងផ្សំ

-គ្រាប់កាហ្វេម៉ដ្ឋ ១​ស្លាបព្រា

-ទឹកឃ្មុំ កន្លះស្លាបព្រា

-ក្រូចឆ្មារ ២ឬ៣ចំណិត

-ទឹកក្តៅ ២ស្លាបព្រា

-អាចបន្ថែមប្រេងដូង ប្រេងអូលីវ ចូលក៏បាន 

វិធីលាយ

-លាយគ្រាប់កាហ្វេនិងទឹកក្តៅឱ្យសព្វល្អ 

-ដាក់គ្រឿងដែលនៅសល់ដទៃទៀតបញ្ចូល ប្រសិនត្រូវការបន្ថែមទឹកឬគ្រាប់កាហ្វេទៀតកីបាន ទៅសាច់ស្រ្កាប់ដែលអ្នកចង់បាន

-ពេលលាយស្រេចបាច់ហើយ អាចយកវាដាក់ក្នុងក្រឡ ឬប្រើប្រាស់ភ្លាមតែម្តងក៏បាន។

វិធីប្រើប្រាស់

-មុនយកស្រ្កាប់មកប្រើប្រាស់ ត្រូវធ្វើការសម្អាតស្បែកឱ្យបានស្អាតជាមុនសិន

-យកស្រ្កាប់កាហ្វេមកលាបលើស្បែកដងខ្លួន ឬផ្ទៃមុខ

-ធ្វើការដុសខាតយ៉ាងថ្នមៗរយះពេល ២ ទៅ ៣នាទី

-អប់ទុករយះពេល ១៥ ទោ ២០ នាទី តាមការចង់បានរបស់យើងរៀងៗខ្លួន

-លាងជម្រះជាមួយទឹកចេញ រួចអាចប្រើប្រភេទឡេថែរក្សាស្បែកមកលាបពីលើ ស្បែកដែលបានស្រ្កាប់ហើយ។ 

ហេតុផល ៤ យ៉ាងដែលអ្នកគួរតែប្រើ ក្រែមការពារកម្តៅថ្ងៃ ពេលចេញទៅក្រៅ

 ពួកយើងភាគច្រើនសុទ្ធតែដឹងថា ការប្រើប្រាស់ក្រែមការពារកម្តៅថ្ងៃគឺដើម្បីការពារ ការរលាកពីកម្តៅថ្ងៃនិងការប៉ះពាល់ស្បែក ជាពិសេសយើងគួរតែប្រើប្រាស់ជាប្រចាំថ្ងៃពេញមួយឆ្នាំ ទោះបីជាស្បែកអ្នកមានសម្បុរបែបណាក៏ដោយ ព្រោះដើម្បីការពារសុខភាពស្បែក។ 

ហើយខាងក្រោមនេះគឺជាមូលហេតុចម្បងចំនួន ៤ ដែលយើងគួរលាបក្រែមការពារកកម្តៅថ្ងៃជាប្រចាំ៖

១. វាជួយការពារស្បែកពីកាំរស្មីយូវី ៖ ក្រែមការពារកម្តៅថ្ងៃវាជួយទប់ស្កាត់កាំរស្មីទាំងឡាយរបស់ព្រះអាទិត្យ ដែលជាហេតុជួយកាត់បន្ថយការរលាកស្បែក។ តាមមតិមួយចំនួន អ្នកត្រូវជ្រើសរើសផលិតផលណាដែលមានកម្រិតការពារចាប់ពី   15 SPF ឡើងទៅ។ 

២. វាជួយកាត់បន្ថយហានិភ័យនៃមហារីកស្បែកមកត្រឹមកម្រិតតិចបំផុត ៖ មនុស្សភាគច្រើនគឺងាយណាស់ ក្នុងប្រឈមជាមួយនឹងជំងឺមហារីកស្បែក តាមរយះការលាបក្រែមការពារកម្តៅថ្ងៃជាប្រចាំ វាជួយការពារស្បែកអ្នកពីការប្រឈមជាមួយនឹងជំងឺមហារីកបានពាក់កណ្តាលផងដែរ។ 

៣. វាការពារភាពចាស់ជ្រីវជ្រួញនៃស្បែក ៖ ឥទ្ធិពលនៃកាំរស្មីពន្លឺព្រះអាទិត្យវាធ្វើឱ្យស្បែកទទួលរងនូវការបំផ្លាញកោសិកាស្បែក បណ្តាលឱ្យស្បែកក្រាស់ក្រិន ជ្រួញ អាប់ពណ៏សម្បុរ និងបំផ្លាញសម្ព័ន្ធខូឡាជែនក្នុងស្រទាប់ស្បែកទៀតផង។ តាមរយះការសិក្សាបានបង្ហាញថា អ្នកមានអាយុ៥៥ឆ្នាំ ដែលតែងតែលាបក្រែមការពារកម្តៅថ្ងៃ ជាលទ្ទផលគឺអាចកាត់បន្ថយសញ្ញាដែលរៀបរាប់ខាងលើរហូតដល់ទៅ ២៤ ភាគរយ។ 

៤. វាជួយថែរក្សាឱ្យស្បែកមានសម្បុរស្មើ៖ ក្រែមការពារកម្តៅថ្ងៃគឺវាមានតួនាទីជួយកាត់បន្ថយការស្រអាប់ពណ៍សម្បុរនិងស្មាមអុចខ្មៅៗនៃស្បែក ពីការបំផ្លាញរបស់ពន្លឺព្រះអាទិត្យ ជាពិសេសវាជួយរក្សានូវភាពទន់រលោងនិងស្មើរសម្បុរ។