រុក្ខជាតិក្នុងផ្ទះ គឺវាមានតួនាទីជួយជម្រុញធ្វើឱ្យផ្ទះនិងការិយាល័យរបស់យើង មានភាពស្រស់ស្អាត ទាក់ទាញ ហើយកំសាន្តភ្នែកនិងអារម្មណ៏ រួមទាំងនៅក្នុងបន្ទប់គេង បន្ទប់ទឹក ផ្ទះបាយ កន្លែងគែមជ្រុងនៃបរិវេណក្នុងផ្ទះ...។ ការដាំគឺដូចជាមិនចាំបាច់ត្រូវទំហំធំទេ សំខាន់គឺគ្រាន់តែតម្រូវឱ្យមានពន្លឺចូលសមរម្យ និងស្រោចទឹកជាការស្រេច អ្វីដែលពិសេសវាធ្វើឱ្យម្ចាស់ផ្ទះឬបន្ទប់មានអារម្មណ៏សប្បាយរីករាយ ស្និទ្ធជាមួយនឹងធម្មជាតិ បន្ថែមពីនេះគឺបានផ្តល់នូវអត្ថប្រយោជន៏សុខភាពដល់មនុស្សផងដែរ។
ការសិក្សាជាច្រើនបានបង្ហាញឱ្យដឹងថា រុក្ខជាតិក្នុងផ្ទះ ជួយធ្វើឱ្យយើងកាន់តែមានសុខភាពនិងសប្បាយរីករាយកាន់តែខ្លាំងឡើងៗ ដោយផ្តល់នូវអត្ថប្រយោជន៏ទាំងផ្លូវចិត្តនិងផ្លូវកាយ៖
១. ជួយធ្វើឱ្យអារម្មណ៏ល្អ
២. កាត់បន្ថយភាពអស់កម្លាំង
៣. បន្ថយភាពតានតឹងនិងមួរម៉ៅ
៤. ជួយបង្កើននិងជម្រុញនូវការផ្តោតអារម្មណ៏និងការធ្វើការងារ
៥. លើកកម្ពស់ការព្យាបាលនិងការធន់នឹងការឈឺចាប
៦. ជួយកាត់បន្ថយអាការះឈឺក្បាលតាមរយះការធ្វើឱ្យគុណភាពខ្យល់ល្អប្រសើរ
៧. ទប់ស្កាត់បញ្ហាស្បែកស្ងួតនិងការពិបាកដកដង្ហើម
